အိပ်မရတဲ့ '' ည ''

တွေဝေ ငေးမော

ဆွေးလျတဲ့ စိတ်နဲ့

သူနဲ့မနီးတဲ့ ခွဲခွာညမှာ

ငါ့ အခန်း ပြတင်းတံခါးကို

ညကြယ်တွေနဲ့ အတူ

လေပြေ တိုးဝှေ့ .........



မေတ္တာသင်္ချေ

အလွမ်းအိပ်ရာပေါ်မှာ

လူလွန့် တွန့်ကြေ

ဂဏာမငြိမ်မှုရဲ့

အလွမ်း စိတ်ကူး

ညရဲ့ အဇ္ဖျတ္တထဲမှာမှ

တထိန်ထိန် တညီးညီး

တောက်လောင်နေတယ် ......



အင်း ...... (သက်ပြင်းချသံ)

သိစိတ်ရဲ့ အပြင်တစ်ဖက်မှာ

ဘာလို့များ ...

တစ်ရှိုက်မက်မက်

နာကျင်ခံစားနေရပါသလဲ .......

သောင်းကျန်းမြူးတူး

လွမ်းစိတ်တစ်ဝက်နဲ့

အိပ်ပျက်ညကိုမှ

အဒွန့်ရှည်တည်တံ့နေမိပါသလဲ ....



သြော် ....... ခက်တော့... ခက်ရချည့်

ငိုချင်နေပါတယ်ဆိုမှ

ကြယ်တွေက လက်တို့

ညအမှောင်က ဟားတိုက်နေတယ် ....



အလွမ်းကို ပုံကြီးမချဲ့ဖို့

သနားဂရုဏာပေးခဲ့မယ်ဆိုရင်လည်း ....

သတိရခြင်းရဲ့ အကိုင်းအခတ်တွေဖြန့်မိုးတဲ့

ထာဝရ စောင့်စားနေမှုကတော့

တိတ်ဆိတ်ခြင်း အနှောင်အဖွဲ့က လွတ်မြောက်ပြီး

(အတိတ်ညတွေမရှိဘဲ)

အသစ်တစ်ဖန် ပြန်တွေ့အုံး .....

အညတရတည်းဟူသော

နှောင်ကြိုး

ငါ ......

ဖြတ်လို့ မရုန်း နိုင် ။ ။ ။

နာမည် မပေးရသေးသော ကဗျာဟောင်း တစ်ပုဒ် ........

ကောင်းသော အချစ်မှာ

မွေ့လျော်သော

မျက်ဝန်းတစ်စုံ (တဖျက်ဖျက်တောက်ပလျက်)

လင်းပြတ်ရောင် ထကြွလှုပ်ရှားမှုတွေအလား .......

ငါ့ နှလုံးသားကောင်းကင် ကွဲအက်

ညနေခင်းရဲ့ အာရုံဦးမှာ

ငှက်တွေတောင် ရောက်လာပြီး

(မလိုတမာစိတ်နဲ့၊ ကမ်းကုန်အောင် ရက်စက်လိုသောစိတ်နဲ့)

ထိုးဖေါက်ကြ လိမ့် မယ် ။ ။



မွဲပြာပြာ

လှို့ဝှက်အတ္တဆန်သော

ထုံထိုင်းသောတိမ်တိုက်များ

ဖုံးလွှမ်းနေလည်း

မွေ့လျော်သော

မျက်ဝန်းတစ်စုံ (တဖျက်ဖျက်တောက်ပလျက်)

စိမ်းစိုသော

သစ်ခြောက် ရိုးတံ ပေါ်

တည် နေလိမ့် ..... မယ် ။ ။





ခပ်ရိုးရိုး အချစ်တစ်ခုပါ ....... ။



(လောကရဲ့ ဆန်းကြယ်သော မျက်လှည့်မဟုတ်တာ ခိုင်ခံ့သေချာတဲ့ )

ဖယောင်းတိုင်တစ်တိုလို ဘ၀မှာ

မွေ့လျော်သော

မျက်ဝန်းတစ်စုံ (တဖျက်ဖျက်တောက်ပလျက်)

မီးလျှံပေါ် က .... ခုန် .... ရင်း ။

( စိတ်ဆင်းရဲမှု ၊ ယုတ်ညံ့မှု ၊ ဆင်းရဲမွဲတေမှု မပါဘဲ )

နှစ်သိမ့် ကျေနပ် နေ ပါ လိမ့် ..... မယ် ။



နွေဦးရာသီရဲ့ ကောင်းကင်ယံမှာ .......

မိုးသားတလိပ်လိပ် ပိန်းပိတ်မှောင်သော ညနက်နက်မှာ .......

ပထ၀ီမြေပြင်ရဲ့ အဆီအနှစ်များထဲမှာ .......

စိမ်းစိုလက်ဆက်သော အသီးအရွက်များကြားမှာ .......

ပျင်းရိလေးတွဲ့ခြင်း (အမြဲတန်း) ကင်းရှင်းရာ အရပ်မှာ .......

လောကသံစဉ်နိမ့်မြင့် မြူနှင်းနံရံများ၏ အလွန်မှာ .......

ဘ၀ရဲ့ အသွယ်သွယ် ကောက်ကွေ့မှုတွေ ကင်းလွတ်ရာမှာ .......

လှပသော ကောက်ကြောင်းပေါ်မှာ .......

xxxx xxxxxxxxxxx .......

သစ္စာမဲ့စေအောင် ဖြားယောင်မြူဆွယ်မှုတွေအလယ်မှာ .......

ပြည့်ကျပ်နေတဲ့ အသွေး အသားထဲမှာ .......

xxxxx xxxxxxxxx xxxxx .......

xxxxxxxxxxxx .......

ငါ့

ခန္ဒာကိုယ်ထဲက

( ရှင်းသန့်စွာ ) ခုန်ထွက်လာတဲ့

xxxxxxx xxx xxxxxxx ......

xxxxx

မွေ့လျော်သော

မျက်ဝန်းတစ်စုံ (တဖျက်ဖျက်တောက်ပလျက်)

ပဂတိ ... တည် ... ရှိနေ ... ပါ ... လိမ့် ... မယ် ။ ။ ။





PS.(လွန်ခဲ့သော လေးငါးနှစ်ခန့်က ရေးထားတဲ့ ကဗျာဟောင်းလေးတစ်ပုဒ်ပါ။
အခုမှ ပြန်တွေ့လို့ သူငယ်ချင်းတွေအတွက် ခံစားမှုမျှဝေလိုက်ပါတယ်။ )

“ လျှောက်လဲချက် ”

ဖွင့်ပြောမှ သိမှာလား
မျောလွင့်ခဲ့တာ
ကိုယ်ပါကွယ် ......
မင်းရှေ့ကိုရောက်လာတဲ့
သစ်ရွက်ခြောက်လေးပါ ......
ဖွဖွလေးကောက်ပြီး
ရေကြည်တစ်ပေါက်လောက်
တိုက်လှည့်ပါ .........

ဖွင့်ပြောမှ သိမှာလား .....
လောင်ကျွမ်းခဲ့ရတာ
ကိုယ်ပါကွယ် ........
မင်းရှေ့ကိုရောက်လာတဲ့
မီးတောင်အောက်က
ပြာမှုန်လေး တစ်မှုန်ပါ ..........
ဖွဖွလေးကောက်ပြီး
လေပြေလေးနဲ့
နွေးထွေးပါ ..........
မင်း .... ကောက်ယူလိုက်တာနဲ့
နှစ်ယောက်အတူတူ အေးမျှ ပါရစေ ........။

တစ်နေ့တော့တွေ့မယ် ........... ။

ဘယ်လို အဇ္ဖုတ္တတွေလဲ
လူတစ်ယောက်က ....... တစ်ယောက်ကို
လေးမြတ်ဖို့ ..........
စာနာတတ်ဖို့ .......... ဆိုတဲ့
(စစ်မှန်တဲ့) လောက ဓမ္မတရားတွေဟာ
မြင့်မားသူတွေကြား ဆိတ်သုန်းပြီး ........
နိမ့်ပါးသူတွေကြား ခေါင်းပါးနေကြ ......
ရှုံးနိမ့်နေနှင့်ပြီးသား လူကိုပဲ
အပြစ်တွေပုံချ ဘယ်သူက မှားလဲ
(ခင်ဗျားတို့) မဆန်းစစ်ကြတော့ဘူးလား ...... ။
လူတွေကလည်း ခက်တယ် .......
ငါ့ကိုယ်ငါ ........ အုပ်ချုပ်
ငါ့အလုပ် ......... ငါလုပ်နေတာတောင်
(သူက) ငါသာလျှင် ....... အရှင်တဲ့ ........
လက်တစ်ဖြစ်စာတောင် မရှိတဲ့
(ဘယ်သူမှ အပ်နှင်းမထားတဲ့) အာဏာတွေကို အသုံးချ
ကိုယ့်အတ္တကိုယ် ရှေ့တန်းတင်ကြတာတော့
မင်းတို့ ရူးလွန်းပါတယ်။
ရွှေနဲ့ဆက်ဝယ်လို့မရတဲ့
နောက်ဆုံးကလူရဲ့ အတွေ့အကြုံကို
ခါးသီးစွာခံစား
ရှေ့ကလူတွေ ပြုသမျှ
ခေါင်းငုံ့ခံနေရတော့မှာလား ......
ဟော ဒီမှာ ...... ငါဆိုတဲ့ကောင်
ရာဇ၀င်တွေတောင် စုတ်ပြတ်နေပြီ .........
မြေနိမ့်ရာလှံစိုက် ဆိုတဲ့စကား
ငါ ....... နှုတ်ခမ်းကိုက်ပြီး
စဉ်းစားဖူးတယ် ..........
အတွေးထဲ တစ်ရေးရေးနဲ့
တဖြည်းဖြည်း သိလာတော့
ထိချက်ပေါင်းများစွာ
ဟောဒီကောင်ရဲ့
ရင်ဘက်မှာ ......
(နာကြည်းချက်) ခံစားချက်တွေကို
စကားလုံး တွေအဖြစ် ဖောက်ခွဲ
ငါ ..... (အဆုံးတိုင်) ရဲခဲ့ပြီ ........
(ငါ) ခုံမင်စွာ နှစ်သက်ခဲ့ဖူးတဲ့
ကဗျာ အပိုင်းအစတွေထဲက
ဟောဒီ စာသားလေးလိုပေါ့ .......
“ နှစ်ဖက်သွား ဓါးတစ်လက်လို
ပြိုးပြက်ဝင်းဖိတ်
သုညဂူမှာလည်း
ငါ ..... မှေးအိပ်ခဲ့ပြီးပြီ ........ ” ။
ငါ့ရှင်တို့က ........ ဘာလဲ
ငါက ........... ဘာလဲ
နာမည်တူတွေ မြေကြီးပေါ်ပစ်ချပြီး
လှလှပပ ပြိုင်ရဲပါတယ်။
တစ်နေ့တော့တွေ့မယ် ........... ။
တစ်နေ့တော့တွေ့မယ် ..................... ။
တစ်နေ့တော့တွေ့မယ် ..................................... ။

ခရီးထွက်သူ .......

အတ္တကိုယ်စီနဲ့
ခရီးထွက်ခဲ့ကြသူတွေလေ .........

အတ္တနှစ်ခုပေါင်းစပ်ပြီး
တစ်ခုတည်းသော အတ္တဖြစ်သွားရင်ပဲ
အဲ့ဒါကို ............
အချစ် .......... လို့
ငါ ....
ရဲရဲ ရင့်ရင့် ခေါ်ထွင်ဝံ့ပါတယ်။

အခုတော့ .....
တစ်ကိုယ်တော် အတ္တတစ်ခြမ်းနဲ့
ခရီးထွက်ဖို့ ...
(တစ်ယောက်က တစ်ယောက်ကို )
ကျောခိုင်းသွား ................. ။ ။

တောရိုင်း .......

ရင်ခွင်ချင်း သိကျွမ်းဖို့
ကြိုးဆွဲခံရုပ်သေးရုပ်လို
ငါ .....
က ...... မပြချင်ဘူး။
အလွမ်းတွေ ပေကျံနေပါလျက်
မင်း ......
မြင်သာ ........ သနားဖို့
မျက်ရည်ကျ ပြလိုက်ရမှာ ....
ကိုယ့်ကိုယ်ကိုယ် သနားတယ်။

တစ်ကယ်မချစ်ခဲ့ဘူး ........ လို့
ငြင်းဆန်မယ်ဆိုရင်တောင်
ငါ့ ...... ပုခုံးစွန်းပေါ်က
နှုတ်ခမ်းရာတွေ
မင်းကိုယ်တိုင် ပြန်ယူသွားပါ ......

အလိုအပ်ဆုံး .......

ညနေခင်း
လမ်းဟောင်းအိုလေးထဲ
လူခြေသံတိတ်ဆိတ်
ပျံသန်းနေဆဲငှက်တွေလည်း
အိပ်တန်းတတ်ကြပြီ ...

ကြယ်ရောင်တွေတောက်ပ
လရောင်ရဲ့ ရွှင်းမြမှုတွေနဲ့
တိတ်ဆိတ်ပြာလဲ့နေတဲ့ညထဲ
ဟိုးအဝေးက ကောင်းကင်ကို
မျှော်ကြည့် ........
ငါလွမ်းနေမိတာ
မင်း ............
သိမှ သိရဲ့လား .......
မင်းပုံရိပ်တွေ ပြည့်နှက်နေတဲ့
ငါ့တိတ်ဆိတ်မှု အခန်းငယ်ထဲ
အလွမ်းတွေနဲ့ မှုန်ဖွဲ့နေခဲ့ပေါ့ ........
ဘာမှ မတောင့်တပါဘူး
ဒီအချိန်မှာ အလိုအပ်ဆုံးဟာ
မင်းကို ...........
တွေ့ဆုံခွင့်လေးတစ်ခုပါပဲ
( ငါ့အတွက် ) တခြားဘာမှ မလိုပါဘူး ....... ချစ်သူ ......။

ရုန်းထွက်ခက်ဆဲ ....

ပန်းကျောင်းတကာတို့ရဲ့
ခေါင်းလောင်းသံထက် ချိုမြိန်တဲ့
နာပျော်ဖွယ် ဂီတသံတို့ထက်
သာလွန်တဲ့ မင်းရယ်သံသဲ့သဲ့
လေပြေညှင်းနဲ့အတူ မျောလွင့် ............
နှင်းမှုန်ဝတ်ဆံတွေ စိုလက်နေတဲ့
မင်းဆံနွယ်မျှင်တွေပေါ်မှာ
ငါ .....
ကြယ်ပန်းတစ်ခင်း ပျိုးပေးခဲ့ဖူးရဲ့ ........
ဝေသီနေတဲ့ မင်းမျက်ဝန်းတစ်စုံအတွက်ရည်စူး
ငါ ...... လွန်ကျူးစွာ
ရူးမိုက်ဖူးပါတယ် ......... ချစ်သူ
မင်း ......... အပြုံးတစ်ချက်အ၀င့်မှာ
လိပ်ပြာအကြိမ်ကြိမ် လွင့်ရင်း
ငါ ..... သေဆုံးခဲ့ရ .......
နူးညံ့တဲ့ ပိုးသားမျှင်တွေကို
ဒူးထောက်ကျစေတဲ့ အချစ်တွေနဲ့
မင်း ......... ငါ့ကို တုတ်နှောင်ခဲ့
ခုချိန်တိုင်အောင်
ရုန်းထွက်ခက်ဆဲ .......

နာမည်မပေးရသေးသော ကဗျာတစ်ပုဒ် (၁)

သြော် .... လူကြီးလူကောင်းတဲ့လား
စိတ်မရှိပါနဲ့ဗျာ
ကျွန်တော် သတိတစ်ချက်လောက် ပေးချင်တယ်။
တဆိတ်လောက်
ခင်ဗျားတို့ရဲ့ မွှေးပျံ့တဲ့ အဲ့ဒီအရေခွံ့ကို
သပ်ယပ်မြဲမြံစွာ ခြုံလွှမ်းထားနိုင်ပါစေ
ဘယ်တော့မှ ကွာမကျပါစေနဲ့
လုံးဝကွာမကျပါစေနဲ့ ..........
အဲ့ဒီအရေခွံ့အောက်က
ပုတ်ဟောင်ညှီစို့နေတဲ့ အနံဆိုးတွေကို
ဖြူစင်ရိုးရှင်းသူတွေဆီ မကူးစက်စေချင်တာ
ကျွန်တော်ရင်ထဲက သစ္စာစကားပါ . .........

ကြယ်ငေးသူ ......

ထူးထူးဆန်းဆန်း မဟုတ်ပါဘူး
ဆောင်းဦးပေါက် တေးသွားနဲ့အတူ
သူပြန်ရောက်လာမလားလို့
ဖွင့်နေကျ တံခါးလေး ဖွင့်ပြီး
ညနေခင်းတစ်ခုလုံး ငေးကြည့်နေမိတာပါ
တွေ့လား .....
ကြယ်တစ်ချို့ ......
တောက်ပမှုနဲ့ လောင်ကျွမ်းနေချိန်
ကြယ်တစ်ချို့ ........
လောင်ကျွမ်းမှုနဲ့ တောက်ပနေကြတယ်။ ။

နေညိုချိန် လမ်းခွဲ ..........

ပြန်မရနိုင်တော့ပါဘူး။
ငါတို့နှစ်ယောက်ရဲ့
အိမ်မက်ဆန်ဆန်
တွေ့ဆုံမှုတွေ ......
တစ်ယောက်က တစ်ယောက်ကို
မေ့လျော့ဖို့ ..........
ကိုယ့်ဘာသာကိုယ် လုပ်ကြံခဲ့မှုတွေ
တစ်ခါတစ်ရံ ပျော့ညံ့ဖို့အတွက်
သတ္တိလိုတယ် ။ ။

ကဗျာတို အပိုင်းအစများ ..........

နူးညံ့တဲ့ နှလုံးသားက
အချစ်ကြောင့် အနာတရ ဖြစ်စေဖို့များ ........
ဖန်တီးခဲ့လေသလား ............


ဆောင်းနံက်ရဲ့ခင်းရဲ့
လေထန်လိုက်ပုံများ
ပ၀ါဖြူ တစ်စလို
တလှပ်လှပ် လူးလွန့်လို့
ရင်ထဲမှာ တုန်ရီလှိုက်မောအောင်
လွမ်းပြီးကျွမ်းနေတဲ့ / မောပန်းပြီး နွမ်းလျနေတဲ့
ငါ့နှလုံးသားပေါ်မှာမှ
ခပ်ပြင်းပြင်း ဖြတ်သန်းသွားလေရဲ့ ...........
ချစ်သူ ........... ငါ ....... မင်းကို ............ အရမ်းလွမ်းတယ် ........


ချစ်ခြင်း မေတ္တာဖြင့်
ဖွဲ့တည်တဲ့အိမ်မှာ
အလွမ်းတွေကို
ထုပ်ပိုးသိမ်းဆည်းရင်း
ရင်ခုန်ကြည်နူးခြင်းတွေကို
ခင်းကျင်း ချိတ်ဆွဲလို့်
လင်းပြတ်ရောင် အချစ်ရဲ့ နေ့တွေအတွက် ......

အိုး ....... ဗီးနပ် ..... နတ်ဘုရားမရေ ........

ငါလေ .....
ခါးသီးရှတ
လွမ်းရတဲ့ နေ့ရက်တွေကို
ခပ်မြန်မြန် ကုန်ဆုံးစေချင်ပြီ ........